BISP Taleemi Wazaif Me Online Registration Karne Ka Tareeqa (Sirf 4 Asaan Qadam)

Benazir Taleemi Wazaif Apply Online Registration ka silsila shuru ho gaya hai un bachon ke liye jo abhi tak is program mein shamil nahi hue. Ab aap asaani se apne bache ka online registration karwa saktay hain aur eligibility bhi check kar saktay hain. Sirf woh khawateen jo BISP Kafalat Program mein registered hain aur Rs. 10,500 ki qist hasil kar rahi hain (yeh raqam January 2025 se Rs. 13,500 ho jaayegi) woh apne bachon ka is program mein enrolment karwa saktay hain. Neeche diye gaye hidaayaat ghor se parhein aur zaroori maloomat hasil karein.

Program ka Maqsad: Yeh program taleem ke liye maali madad faraham karta hai un gharano ke liye jo BISP program mein shamil hain, aur jinke bachay 8 se 22 saal ki umr ke darmiyan school ja rahe hain. Program ka maqsad school ki regular attendance barhana aur dropout rate ko kam karna hai. Maali madad har 3 mahinay baad di jaati hai, aur yeh madad class ki category (primary, secondary, intermediate) par mabni hoti hai.

Online Registration Ka Tareeqa (Step by Step)

Website par jaayein: Google par “8171 Ehsaas Programe” search karein ya seedha bisp.gov.pk par jaayein.
Beneficiary Info par click karein: Main page par “Beneficiary Information” button par click karein.
CNIC Number daalein: 14 hisson ka CNIC number enter karein (bache ki maa ka CNIC number daalein) aur check button dabayein.
Registration Form bharain: CNIC number daalne ke baad registration form nazar aayega. Required maloomat bharain aur registration confirm karein.

Is tareeqe se aapka online application submit ho jaayega. Confirmation ke liye aapko 8171 number se SMS milega, jo ke aapke diye gaye mobile number par aayega.

Eligibility Ka Tareeqa:

Bache ki maa ka BISP mein registered hona aur benefits hasil karna zaroori hai.
Bachay ka government ya registered private school mein dakhila zaroori hai.
School ki kam az kam 70% attendance honi chahiye.

Online Check Karnay ke Tareeqay:

Benazir Taleemi Wazaif App (Play Store se download karein)
SMS ke zariye: 8171 par check karein
BISP Website: bisp.gov.pk

Zaroori Documents:

Bache ka B-form/CRC ya CNIC (agar required ho)
Verified school admission slip (school ka mohr laga ho)
Attendance proof (kam az kam 70%)
Maa ka CNIC

Kuch aur documents bhi required ho saktay hain jaise ke income proof, disability certificate, ya orphan certificate waghera.

BISP Dynamic Survey 2025

Agar aapne online apply kiya hai ya apne bache ki eligibility check ki hai lekin abhi tak koi SMS confirmation nahi aayi, to yeh yaad rakhein ke BISP mein registered aur benefits hasil karne wali khawateen ko 31 December 2024 se pehle dynamic survey complete karna hoga. Hukumat ne announce kiya hai ke tamaam registered families ko dobara survey se guzarhna hoga.

BISP Tehsil Office Registration

Kuch dafa BISP officials ki taraf se online applications temporarily band hoti hain. Aisi surat mein aap apne bache ko le kar apne ilaqay ke Tehsil mein Benazir Income Support Office (BISP Camp Office) jaayein.

Wahan par aapke bache ki eligibility check ki jaayegi. Agar eligible hua to required documents ke sath registration ki jaayegi.

Nateeja

Benazir Taleemi Wazaif Program un bachon ke liye hai jo abhi tak register nahi hue. Sirf woh khawateen jo BISP Kafalat Program mein shamil hain aur har 3 mahinay Rs. 10,500 le rahi hain, apne bachon ko is program mein register karwa saktay hain. Yeh initiative taleem mein madad dene ke liye hai taake bachay school jaate rahein aur dropout rate kam ho.

Agar online registration mein koi masla ho to Tehsil Office visit kar ke further madad hasil karein.